Paperback. 13,50 / 21,00 cm. In Kurdish. 540 p. Pêla vayî ke vinete û boye bîyê vîndî, bi destê xo çimê xo kerdî pak, o ra dime kî hêdî-hêdî pispisnayî we, verê xo çarna ra asmên, uca de nîyada. Pêwrî asêne. Pêwro leng, ancîya peyser mendîbî: "Neçaro zar se bikero? Hevalê xo çîp sonê, o bi xo kî leng o, nêreseno ci. Lengîya bêbexte nêverdêne ke sêro keyeyê xo," vat xo fek de. Astareyo Çilek kî hîna vindî nêbîbî. Sey her timî zaf rindek bereqîyêne. Hem kî winî bereqîyêne ke merdim vatêne ke wet ra huyîno, selam dano. Tenê ke vinete, çimê xo pêwran ra fîstî dûrî, hetê rojhelatî de asmên ra fetelnayî, uca ra sîye basûr, basûr ra xo çarna amê rojawan labelê keyfê xo tepîya pê nêame. Xo bi xo "Qet tamê asmênê nê welatî çin o. Mendo ro sereyêde keçelî. Sereyo keçel, çitur ke porr ci ra risîno ro noca-uca ra tek-tuk telî menenê, asmênê nê welatî kî winî yo. Astarê noca yo, astarê uca yo," vat.
Bu kitap hakkında henüz gönderi yok. Uygulamada ilk paylaşan sen ol!
